Monday, 16 July 2018

ဖေဖ၀ါရီ ၂၁ ၊ ၂၀၁၈။

ထုတ်ပြန်ချက်။


မြန်မာစစ်တပ်သည် ရိုဟင်ဂျာတွေကို ဆန့်ကျင်ရာ၌ မုဒိမ်းကျင့်ခြင်းကို လက်နက်အဖြစ်သုံးကြောင်း - အစီရင်ခံစာသစ်။


၂၀၁၇ ခုနှစ်တွင် ရိုဟင်ဂျာများကို ဆန့်ကျင်သည့် “နယ်မြေရှင်းလင်းသည့် စစ်ဆင်ရေး” တွင် လိင်ပိုင်းဆိုင်ရာ အကြမ်းဖက်မှုကို ရည်ရွယ်ချက်ရှိရှိ စံနစ်တကျ ကျယ်ကျယ်ပြန့်ပြန့် အသုံးပြုခဲ့ကြောင်း အထောက်အထား ဖေါ်ပြသည့် ဤအစီရင်ခံစာကို ကုလာတန်သတင်းကွန်ယက်မှ ယနေ့ထုတ်ပြန်လိုက်သည်။

“မုဒိမ်းကျင့်မိန့်” အစီရင်ခံစာသည် မုဒိမ်းအကျင့်ခံရပြီး လွတ်မြောက်လာသူ အမျိုးသမီး ၈ဦးအပါအ၀င်ဒုက္ခသည် ၃၆ ဦး၊ ၏ ထွက်ဆိုချက် အပေါ် အခြေခံ၍ ရခိုင်ပြည်နယ်မြောက်ပိုင်းတလျှောက်ရှိ ရွာများမှ အမျိုးသမီးနှင့် မိန်းခလေး ၃၀၀ ကျော် ကို အစိုးရစစ်တပ်မှ မုဒိမ်းကျင့်သည့် သက်သေကို ဖေါ်ပြထားသည်။လိင်ပိုင်းဆိုင်ရာ အကြမ်းဖက်မှု ဖြစ်ပွါးသည်နေရာကို မြေပုံတွင် ဖေါ်ပြရာ၌ မောင်တောမြို့လည်းပါဝင်သည်။


မုဒိမ်းမှု အများစုမှာ သြဂုတ်လ ၂၅ ရက်မှစ၍ ရာချီသော စစ်သားများ ရွာထဲဝင်လာပြီး ရွာသားများကို  ထင်ရာမြင်ရာပစ်ခတ်ခြင်း၊ နှိပ်စက်ညှင်းပမ်းခြင်း၊ သတ်ဖြတ်ခြင်း၊ အိမ်များကိုမီးရှို့ခြင်း စလုပ်သည့်အချိန်မှ စကျူးလွန်ခဲ့ကြသည်။ အိမ်များထဲတွင်၎င်း၊ ထွက်ပြေးနေသောအခါ၊ သို့မဟုတ် ရွာထဲတွင် အစုလိုက်ဝိုင်း ဖမ်းထားခြင်းခံရစဉ်   အမျိုးသမီးနှင့် မိန်းခလေး များကို   မုဒိမ်းကျင့်ကြသည်။ ဆယ်ဂဏန်းများစွာရှိသော အမျိုးသမီးနှင့် မိန်းခ လေး တို့မှာ မေယူတောင်တန်းကိုကျော်၍ ဘင်္ဂါလားဒ နယ်စပ်ဘက်ပြေးလာစဉ် မုဒိမ်းကျင့်ခံကြရသည်။


စစ်သားတို့က အုပ်စုလိုက် ဗြောင် မုဒိမ်းကျင့်ကြသည်။ တခြားစစ်သာများ အရပ်သာများ ရှေ့တွင်ပင် ကျူး လွန်ကြသည်။ ဤသည်မှာ သူတို့အတွက် အရေးယူခြင်းမှ ကင်းလွတ်ကြောင်း စိတ်ချနေပုံရသည်။ မုဒိမ်း ကျင့်ရန် အတွက် အမျိုးသမီးများကိုလည်း စစ်စခန်းများတွင် ဖမ်းဆီးထားသည်။


မုဒိမ်းအပြင် တခြား ရက်စက်သည့် နှိပ်စက်သည်နည်းများကိုလည်း သုံးသေးသည်။ သွားဖြင့်ကိုက်ခြင်း၊ ရိုက်နှက်ခြင်း၊ ဒါးဖြင့်မွှန်းခြင်း၊ အရှင်လတ်လတ် မီးရှို့ခြင်းတို့ကိုလုပ်သည်။ နေရာ ၁၂ ခုတွင်  ငယ်ရွယ်သည့် မိန်းခလေးများအပါအ၀င် မုဒိမ်းကျင့်ခံရသူများ အသတ်ခံရသည်၊ ရက်စက်စွာ လှီးဖြတ်ခံရသော ဒဏ်ရာများ ကြောင့် သေဆုံးကြရသည်။


“ ရိုဟင်ဂျာဖြစ်ခြင်းကြောင့်ပင် အမျိုးသမီးနှင့် မိန်းခလေးတို့ဟာ မုဒိမ်းအကျင့်ခံရ၊ ကိုယ်အင်္ဂါ ဖြတ်တောက်ခံကြ ရတယ်။”ဟု  အဓိက သုတေသီ မစ္စ ရာဇီယာ စူလတန်နာ ပြောသည်။ “ လူမျိုးတုန်းစေရေး အတွက် မုဒိမ်း ကျင့်မှု ကို လက်နက်လို အသုံးချတာ”။


အစီရင်ခံစာက မြန်မာအစိုးရအား စစ်တပ်ကို မျက်စိမှိတ် မကာကွယ်ဖို့နှင့် အရပ်သားတွေအပေါ် အစီအစဉ်ရှိရှိ လုပ်ဆောင်နေသည့် မုဒိမ်းမှုအပါအ၀င် တခြား နှိပ်စက်မှုတို့အတွက် စစ်တပ်အာဏာပိုင် တစုလုံးကို တာဝန် ယူခိုင်း ရန် တိုက်တွန်းထားသည်။


“ရိုဟင်ဂျာ အမျိုးသမီးများနှင့် မိန်းခလေးများခံစားရသည့်  တုန်လှုပ်ခြောက်ခြားဖွယ်ရာ ဖြစ်ရပ်တွေက မပြော  ပြနိုင် လောက်အောင် ဆိုးဝါးလွန်းတယ်။ အခုတော့ အမိန့်ပေးတဲ့ သူတွေကို တာဝန်ခံခိုင်းရတော့မယ်။” ဟု မစ္စ ရာဇီယာက ပြောသည်။


အစီရင်ခံစာကို ၀က်ဖ်ဆိုက်တွင် ကြည့်နိုင်ပါသည်။ ( အင်္ဂလိပ်ဘာသာဖြင့်သာ ဖြစ်သည်။)

http://www.kaladanpress.org/images/document/2018/RapebyCommandWeb3.pdf

https://kaladanpress.files.wordpress.com/2018/02/rapebycommandweb3.pdf

ဆက်သွယ်ရန် - ရာဇီယာ စူလတန်နာ -  + ၈၈၀ ၁၈၁၈၄၆၆၀၇၈ ( အင်္ဂလိပ်ဘာသာ)
                    

                     တင်စိုး  - +၈၈၀ ၁၇၁၄၃၈၁၁၁၀ ( မြန်မာ ၊ အင်္ဂလိပ် ဘာသာ)